Soor ni uhur do hape lang sir ni uhur

Bani sada huta adong sada keluarga, sada pargotong na bujur janah rajin marhorja (marjuma pakon maragat), adong homa parbulangni na jenges, toruh homa maruhur. Gok do malasni uhur sidea halani ilayak-layakkon Tuhan do bani sidea 2 niombah (dalahi pakon naboru na marumur 12 tahun, pakon 9 tahun). Sahuta do sidea pakon Tulang/Anturang ni niombahni, aima na gabe lawei pakon besanni. Bani sada panorang panorang bulan opat tahun ai, sanggah maragat bapa on, lang sangaja iidahni ma besanni lagi maridi i juma (adong paridian keluarga bani parbalogan ni sidea). Mardosor ma darohni bapa on, iidah ma jenges ni angkulani besanni tongon. Patar ni aipe sonai do homa, sanggah maragat homa bapa on maridi homa do besanni on. Mulai patarni, gati ma bapa on marangan-angan janah dob ni songon na hadoban atei anjaha boritan ma bapa on. Halani na boritan on bapa on, iboban keluarga ma martambar hu rumah sakit,bois-ma nabois, naborit lalap lang malum. Janah menurut medical record ni bapa on, seng dong naborit ni. Tubuh ma use uhur na pondok, laho ma sidea marsukkun bani namarpambotoh. Atap na itebak, atap na kebetulan, nini ma:” dong do sir ni uhur ni bapa on na lape das, ia dassa mambotoh ai, janah anggo lang ipadas nassiam ai podas, ra do marbahaya kesehatan ni bapa on” nini namarpambotoh on ma homa. Heran ma parbulangni mangidah janah irikma isukkun bani bapa on, ; aha na masa bapa, songonna dong sir ni uhur mu? Holong uhur mu bennami, idah ham ma niombahta on, dak-danak ope sidea nini inang on irik tariluh ia. Asok ibalosi bapa on ma nini “aima da, maila au patugahkon”, nini bapa on. Nini parinangon ai ma use :” patugah ham ma bapa, atap aha do sir ni uhurmu ai, marusaha do hanami sa tuk ni gogoh ku, asal ma malum ham”. Ipatoguh bapa on ma uhurni, ipadear parhundulni janah nini ma :” asal ma ulang manggila ham inang, hupatugah pe”....”Lang bapa asal ma podas ham malum”, nini inang on. Cerita ma bapa on : Lang sangaja, tarpaidahau nasibesan ai sanggah maridi, janah tar soop paruhuran tartonduy pangahap hu, janah sihol namin ase boi riap hanami, saborngin lah, anggo lang ra ia,,,dearanma au misir hun huta on sadokah ni dokah ni halani naborit hon. Songgot ma paruhuronni inang ai, tapi halani holongni bani pargotongni, ihatahon ma : “nai do tene bapa, age pe borat, huhatahon pe bani gawei ai”. Patarni ai, pajumpah ma inang on pakon gaweini,isurdukhon ma demban habang suhar ,janah ihatahon ma na masa bani pargotongni ai, adong do hape sir ni uhur ni paramangon ni ai menyangkut nasibesan ni ai. Tarsonggot ma gawei ni ai, janah nini ma” ai do hape ase suhar demban mu on”?..... nini inang ai ma mambalosi “ ea gawei” urupi ham ma manambari bapa nami an, nini siluk tariluh. Marpikkir gaweini on, dob ai ninima : ase ulang pusok uhur mu gawei, hatahon ham ma bani besan ai, ra do au padalan hon tambar ni besani ai, mulak ma ham, holi martomu samun, das ma ahu i rumah nassiam. Megah ma tumang uhur ni inang on, halani ra do gawei ni ai padalan hon tambar ni paramangonni ai. Dob ai, isiaphon nasibesanni ai ma 2 ekor dayok boru-boru, sibirong pakon silopak, janah lompah ma dear, ibahen ma margori janah iatur ma partording ni. Bani panorang martomu samun, dasma nasibesanni on hu rumah ni sidea, janah iboban dua bukkusan. Isukkun nasibesanni on ma bani gawei ni on, nini ma “ Domma maridi nasibesan ai nokkan gawei?” nini bapa ai ma siluk “ domma nai” dob das nokkan gawei mu mittor iparidi do au, songon na lumbang do nuah huahap. “Anggo sonai, ijon ham hundul nasibesan”, nini besanni irik padearhon apei. Agepe songonna canggung, hundul ma bapa on bani ampei ai. Ibagas uhur ni, mangan ma hape lobei paima modom nini uhur ni bapa on. Ibuat besan on ma dayok binatur sbirong : jalo ham ma nasibesan, janah pangan ham, ase dapot naisurani uhurmu, janah malum ma naborit mu. Ijalo janah ijomput ma tongon dayok on. “Mantin do pandai ni nasibesan ??” nini ma mambalosi “ mantin do nai”,,,nini agepe agak unduk. Buat ham satoktok nari,,nini besanni. Ibuat ma homa lanjar ipangan. Dob ai ibuat ma use dayok binatur silopak irik isurdukkon homa. Ipangan besanni ai ma homa. Naha do daini na parlobei ai pakon na paduahon on besan,,,mantin tumang do besan?Nini bapa on ma mambalosi; “lang dong bedani...nai ..lang, dos do mantinni, sarupa do daini”. Dob hossi ai, ihatahon besan on ma : Sonai do homa na isura hon ham ai nai, sonai do naisurahon uhurmu ai besan, dos do age ise,,lang dong ubahni. Nai dassa tong daini...age lang dos rupani”. Domma be ai, lang sir ni uhur nasintong na roh bamu ai, tapi sooor ni uhur do... hala ni ai domma malum ham in” irik mulak ma besanni ai. Dob ai, luppat ma bapa ai irik tangis manolsoli, mangindo maaf ma ia bani parinangonni janah irik irohop parbulangni,,,salah ma au nang,,maafhon ham ma au halani sompat marpikkiran na lepak au. Dob ni....mamboban sipanganon ma sidea hu rumah ni tondong ni ai, halani dear do pariama ni sidea bani panorang ai. Tapi anggo nasibesanni ai....domma ibotoh haganup aha na terjadi ai, janah iolom do haganup bani paruhuranni.