BINDORAN ampa UBAG

BINDORAN ampa UBAG Aha ma na boi ipatudos hita bani bindoran? Martukar do rupani, anggo domma martukar panakkolan ni tene. Warna ni pe mintor martukar do dob hossi martukar sogopanni. Sonai ma bindoran on bani pargoluhanni. Dong do namin dear ni on, tapi dong homa do samborni. Sibar ja do homa hita boi mambuat pengalaman ni bindoran on. Bindoran ma goranni, mahir tumang do ia bani na menyesuaihon dirini pakon ianan ni. Sipata samak mando pangidah bani bindoran on, anggo lang tulimat ipardiatei hita, lang taridah ia bani pargoluhanni. Anggo sogop ia bani bulung, mintor si ratah ma rupani, anggo sogop ia bani hayu....mintor ma homa songon hayu rupani bindoran on. Mintor samak do ia idahon bani takkolan ni ai. Sonai ma sada sifat ni binatang na sinobut nokkan ai aima BINDORAN. Songon na sinobut nokkan ai, dong do namin dear ni on, tapi dong homa do samborni. Anjaha yakin do ahu, na binere ni Naibata do on bani bindoran on bani goluhni. Ase ulang punah bindoran on halani pemangsa na sihol manganhon bindoran on. Ibere do sada talenta bani bindoran on na laho menyelamathon dirini humbani pangidah ni pemangsa/pangagou in. Tapi na hurang suman ni....lang sadar bindoran on bani perubahan ni rupani ai. Hassi gati gabe kelemahan ai bani, ra ma pa ka tartagil jolma ia bani na mangimas talun. Halani lang taridah ia, samak do bani bulung-bulung ai. Namin... dear do boi marubah rupa, tapi halani kesadaran na penuh, anjaha ibotoh namin halani aha, anjaha ija ia laho marubah. Ase ulang pa ka tartagil jolma tikki mangimas. Bani ianan na legan, beda do homa binatang on. UBAG ma goranan on. Bani pargoluhanni, somal do horja ni on manakko panganan ni jolma. Gati do isobut ubag on gabe gulma ni tanaman, anjaha gulma ni peliharaan. Anjaha bueinan ma na hurang dear humbani ubag on. Hal na paling menarik humbani ubag on, anggo duppar hita... masuk do ubag on hu bani lubang ni. Tapi, anggo ipudita...mintordo hebat ubag on manghorjahon horjani na merugihon hita. Ubag on marosuh bani ianan na golab anjaha kotor. Adong do homa piga-piga ubag na mamboban atap pe padalig hon naborit. Usih hubani gambaran na dua on, buei do homa ididah hita itiru hasomanta. Adong do hasoman na lang pag manghatahon na sittong, halani mabiar ikucilhon humbani parhasomanan. Tapi na pasti, anggo domma sesuai hu bani hatani Naibata...lang pala namin hita mabiar pasal ai, halani Ia do simada haganupan. Nini sada hasoman, age pe haganup parjahat lang marharosuh bakku, asal ma ahu dohor bani Tuhan in, asal ma horjakku sesuai hubani hata ni Tuhan. Halani ai do janjiku Bani Ia na pagoluh au...nini hasoman on. Anggo bindoran nokkan tene, secara lang sadar do ia pasal perubahan ni dirini ai, tapi anggo jolma nokkanai....sadar do ia bani horjani ai, pemikiran ni ai, tapi lang pag padashon na ibagas uhur. Ia anggo Bindoran nokkan, berubah rupa do ia, tapi anggo hasoman on tene, rupa ni sarupa do, tapi uhur ampa tindakan ni do menyesuaihon diri bani ianan ni tading. Bahkan prosesni pe expres. Ia anggo ubag nokkan, buei do homa sonon halak, manarik parsahapan ni halak pitah merujuk referensi ni dirini sandiri hassa. Anggo duppar, manis tumang parsahap, lang pag mambere gagasanni. Tapi do ipudi, manortori ma ia, anjaha ia ma ninuhurni simada tanoh on. Hape, anggo sonai...meniru ulah ni ubag do gonai ai tene.... malas uhur. Tambah parbinotohan. Ulang ma namin adong hita na meniru hasamboran ni BINDORAN pakon UBAG on sekali gus. Anggo pala ma sonai.....repot ma hita.... lang tontang be pargaulan na sonon on. Horas........