Natal Bapa dan Wanita GKPS Simalingkar 2010

TATA IBADAH NATAL BERSAMA SEKSI BAPA PAKON SEKSI WANITA GKPS SIMALINGKAR RESORT MEDAN SELATAN
18 DESEMBER 2010
========================
Thema : Jesus do dalan, pakon hasintongan, ampa hagoluhan (Joh.14:6a)
Sub-Thema : Pajongjonghon keluarga namandalanhon hasintongan, gabe pasu-pasu bani masyarakat pakon
tinompa na legan

A. Pembukaan Acara
I. Penjelasan Acara yang dilakukan oleh MC/Seksi Acara
II. : “ Barisan Prosesi :Pendeta & Majelis ampa pantia Nata memasuki ruangan / Diiringi Musik /Jemaat riap jong-jong) ASM 2 pasang bawa lilin + Bibel I lobei.
Singer : Lagu Solo “ Penebus Dosa”……….( diiringi oleh Musik dan Singer 3 inang, 3 Bapa)

B Ibadah.
I. VOTUM & SALAM (Jemaat tetap jong-jong)…….(Pdt. Hot Imanson Sinaga)
P : Ibagas goranNi Naibata Bapa, pakon Tuhan Jesus Kristus, ampa Tonduy Napansing Sitompa langit pakon tanoh on. Bangsa na mardalan ibagas hagolapan mangidah sada panondang na bolon, halak na marianan bani linggoman ni hamateian, poltak do i babou ni sidea sada panondang.
Bp : Pinuji ma Naibata ni Israel, halani itohu do bangsaNi anjaha ibahen partobusni. Ipajongjong do banta tanduk haluahon i rumah ni si Daud, juak-juakNi ai, songon na hinatahonNi marhitei pamangan ni nabiNi na susi in humbani sapari nari, ai ma: PaluahonNi do hita humbani munsuhta, ampa humbani tangan ni sagala na marsogam ni uhur banta;
Ing :IdopanNi do bapanta, anjaha ingatonNi do padanNi na mapansing ai. Ai ma bulawanNi, na binulawanhonNi bani si Abraham, bapanta ai, paboa bereonNi do hubanta, ase hita, dob marhaluahon humbani tangan ni munsuhta, seng marhabiaran boi marugas i lobeiNi, ibagas hapansingon ampa hapintoron, sadokah hita manggoluh.

Pdt : Ipabuei Ham do bangsa in, itambahi Ham malas ni uhurni; marmalas ni uhur do sidea ilobei ni bohiMu, songon malas ni uhur sanggah pariama, songon halak na marolob-olob sanggah marbagi taban-taban.
Hgnp: Ai domma tubuh banta sada na etek-etek, ibere do banta sada anak, tampei bani abaraNi do panggomgomion, anjaha ibahen do goranni: Paruhur Halongangan, Naibata Parkuasa, Bapa sadokah ni dokahni, Raja Damei……..Amen

II. Mandoding Haleluya No 458: 1 – 2 ( Ayat 2 Jong-jong Kuria)

Bai Ganupan Sidalananmu in
Bai Ganupan Sidalananmu in,
Jesus ma baen hasomanmu
Iparorot do ham tong-tong ijin,
ronsi ondos bai tujuan mu
Ge daoh mahol sidalanan min,
ulang ham mandolei ijin
Seng boi sotto ham bahenonni in,
asal Jesus baen hasoman min

Sanggah loja ham mamingkiri in,
Bani Jesus patugah in
Na ngayotan ham bani dalan min
Ai ibotoh do ganupan in
Ge daoh mahol sidalanan min,
ulang ham mandolei ijin
Seng boi sotto ham bahenonni in,
asal Jesus baen hasoman min

III. Liturgi Bersama I (Pdt. Hot Imanson Sinaga)
P : Anjaha Jahowa do mardalan ilobei ni sidea, arian marhitei hombun na jongjong mambobahon sidea i dalan ai, ia borngin marhitei apuy na jongjong bahen suluh bani sidea, ase boi sidea mardalan arian pakon borngin.
Bp : Banggal ni in tongon holong Mu hubannami Tuhan, hu bani keluarga ampa Rumah tangga nami. Ibere Ham do hagoluhan, ibere Ham sonang ni uhur, I tompa Ham do haganup na porlu hubannami sekeluarga, halani ai, patut do hanami martarima kasih janah marsombah hu Bamu. Igomgomi Ham do hanami humbani kuasa na jahat, kuasa ni sibolis na sihol mangagouhon pargoluhannami.
Ing : Songon na ijia Tuhan, ihasomani Ham do bangsa Mu, bai arian ge borngin. Sonari pe Tuhan, naporsaya do hanami, ihasomani Ham do hanami bani pargoluhan nami, Ihasomani Ham do hanami laho mangimbang janah manaluhon bagei-bagei ni parlajouan ibagas hamajuon ni Zaman on.
Pmd : Hanami pemuda ni huria Mu pe, mangahap do hanami Tuhan, bahasa Ham do na manghasomani hanami bani haganup pargoluhan nami. Ibere Ham do hubannami orang tua, bapa pakon inang na martangungjawab hu bennami, janah sabar sidea pagodanghon hanami ibagas hataMu. Haganupan in Tuhan halani kuasa ampa idop Ni uhurMu do hubannami mambahen boi na matoras nami mangasup mandalanhon in haganup.
ASM : Diatei tupa ma bamu Tuhan, ibere Ham do hubannami uhur na sonang, boi hanami marsikolah minggu, marsikolah, sonai homa marguro-guro, ibere Ham do panorang na dear. Ipasu-pasu Ham do hanami marhitei namatoras nami, halani ai idop ma uhurMu hubannami haganupan, pasaud Ham ma sura-sura nami ibagas harosuhMu.
Hgnp: Banggal ni in tongon holong ampa kuasaMu bani pargoluhan nami Tuhan. Ibotoh hanami do, Ia ompung nami do haganup do sidea nilinggoman ni hombun ai, anjaha ganup do sidea mandipari laut ai, anjaha haganup do sidea tardidi hubani si Musa ibagas hombun ai ampa ibagas laut ai, anjaha haganup do sidea mangan sipanganon partonduyon na samasam ai. Sonari pe Tuhan, porsaya do hanami, Ham do nagabe pangajaman nami bani na mandalani ari-ari ni goluh nami. Amen

IV. Koor : Seksi Bapa : Jumpah ma panorang
V. Vokal Group Sektor IV : Indah Pada Waktunya
VI. Vokal Group Remaja : Jadikan kami satu

VII. Mandoding Haleluya No 316 :1-2+4. ( Ayat 4 Jong-jong Kuria)
Sai Puji ma Tuhanta in
Sai Puji ma Tuhanta in, ai tubuh Jesus in
Sai jalo Rajantain, pasir-sir ma uhurmu in
Mandoding pujima, mandoding pujima
Mandoding puji Tuhan in.

Megah ganup dunia on, marsangap Tuhan in
Ganup mamuji Tuhan in, pakon ganup tinompa-Nin
Mandoding pujima, mandoding pujima
Mandoding puji Tuhan in.

Jesus sigom-gom tanoh on, na manramothon in
Haganupan manaksihon, hasintonganNi Tuhan in
Banggal do holongNin, banggal do holong-Nin
Banggal do holong atei-Nin

VIII. Liturgi Bersama II ( Ketua Wanita : Sy. Sarnaise Saragih)

P :Ulog do sipandeinan marimbang sagala binatang na i talun, na tinompa ni Naibata Jahowa. Jadi nini ulog ai ma bani naboru ai: Adong do nani ihatahon Naibata, na so bulih panganonnasiam humbani sagala buah ni hayu na i pohon on? Jadi nini naboru ai ma dompak ulog ai: Bulih do panganonnami humbani buah ni hayu na i pohon on; tapi anggo pasal buah ni hayu na i parsitongahan ni pohon on, ihatahon Naibata do: Ulang pangan hanima hunjai anjaha ulang jamah, ase ulang matei hanima. Jadi nini ulog ai ma bani naboru ai: Seng tongon matei nasiam, tapi ibotoh Naibata do, anggo ipangan nasiam hunjai, gabe buha ma matanasiam, doskon Naibata ma nasiam mambotoh na madear pakon na masambor. Inonoi naboru ai ma, dear do buah ni hayu ai panganon, jenges idahon anjaha siharosuhkononkon, halani boi papentarhon; jadi ibuat ma buahni, ipangan ma, ibere ma homa paramangonni na rap pakonsi ai, gabe ipangan ma.
J : Sonin ma ganup panorang sibolis in marhorja, sabar do ia mangirik-irik pargoluhon ni jolma in, sipata ipakei do hataNi Naibata laho pakahouhon jolma in. Halani ai, Torang ma uhur nasiam anjaha puho ma nasiam, ai mawat-awat do imbang nasiam, sibolis in, songon singa na maraum, mangindahi sibondutonni. Bani panorang ai, Adam pakon Hawa, jolma na tinompa Ni Naibata ai, lang jaga sidea, balosan sidea bani husip-husip ni sibolis, jadi talu ma sidea janah madabuh ma jolma in bani dosa. Janah uhuman Ni Naibata domma tangkas ibotoh sidea, ai ma hamateian. Tapi halani hisap ni angkula na sihol dos pakon Naibata, gabe madabuh ma jolma in bani dosa ai.
P :Bani panorang ai, Dob ai ibogei sidea ma sora Ni Naibata Jahowa, na mardalan-dalan i pohon ai bani parrohni logou malele bod. Jadi marponop ma si Adam pakon parinangonni ai humbani bohi Ni Naibata Jahowa iholang-kolang ni hayu na i pohon ai. Das bani panorang on, halani dosa nahinorjahonni, gati do jolma in marponop bani buei alasan na marhitei pasintonghon diri anjaha mencari kambing hitam. Halani ai bani panorang on, gati ma lang jumpah hasintongan bani pardalanan ni goluh ni jolma in. Sipata balosan mando jolma in bani hisap-hisap ni daging ase hatani Naibata.
J : Halani dosa ampa panlanggarion nami, gabe balosan ma hanami bani hisap-hisap ni daging marimbang harosuhMu. Domma i botoh hanami masam ni in marhitei hataMu pasal horja ni daging, ai ma: Parriah-riahon, habutakon, goluh na so marrantei, marnaibata na legan, hadatuon, parmunsuh-munsuhon, partinggilon, parsimburuon, ringis, uhur haut, parbolah-bolahon, parlegan-leganon, subil, parmabukon, marpoya-poya ampa na usih hujai. Songon na dob huhatahon bani nasiam ijia, sonai do age sonari: Sihorjahon na sonai, seng teanon ni ai harajaon ni Naibata. Tapi on do buah ni Tonduy: Holong, malas ni uhur, damei, lumbang ni uhur, habasaron, halayakon, haporsayaon, halamlamon ampa panrajaion diri.
P :Mardingat hanami bani namasa ijia, ihatahon Naibata ma hubani si Adam ,nini ma: Halani na binalosanmu hata ni parinangonmu, anjaha ipangan ho humbani hayu na hutitahkon in bam: "Ulang pangan hunjai", hona papa ma tanoh on halani ho. Ngalutan ma ho mansarihon sipanganonmu sadokah manggoluh ho.Pantubuhkonon ni tanoh in ma bam duri pakon suga-suga, anjaha suan-suanan na i tanoh in ma sipanganonmu. Turak-turak hadogas ma ho mansarihon sipanganonmu, paima mulak ho gabe tanoh, ai hunjai do ho ibuat; orbuk do ho, halani ai maningon mulak do ho gabe orbuk. Halani ai, bani panorang on porlu siparayakon ta : “Lang tarbahen gabe pasu-pasu bani hasoman, ulang gendo gabe partolsuan atap batu sandungan”.
Bp : Aih…. Jangin ni in tene anggo balosan bani parinangon marimbang hubani Naibata. Borat ni in tene pargoluhan on, anggo parinangon diri lang sipambalosi hatani Naibata. Lang mardalan rencana ni Naibata bani rumah tangga, inang lang gabe pangurupi bani bapa anggo lang itangihon inang in hatani Naibata. ( Hal 238 : 2)
P : Mardingat hanami bani namasa ijia, marsahap ma Naibata hubani naboru ai , Nini ma: Pabueionku ma sitarononmu sanggah boratan rumah ho; borit ma ahapkononmu manubuhkon niombahmu! Paramangonmu ma hasiholanmu na manrajai ho.
Ing : Halani balosan bani husipni sibolis marimbang hatani Naibata, gabe hona uhum ma hape haganupan. Hanami do na mamulai persoalan on, tapi haganup do hona uhuman. Maningon taronon ma haganup na masa sonari on, gabe irajai paramangon, paramangon pe susah payah mansari goluh, buei masalah. Atap halani dosa do homa ase terjadi na masa sonari on? Banjir, logou na sumbang, longsor, gempa bumi, tsunami, letusan gunung berapi ampa lumpur panas. Haganup do hita sungkun-sungkun ibagas uhur ta bei. ( Hal 234 : 2)
J : Haganup do hita on mardosa, bani pargoluhan ta gati do mambahen pusok uhurni Naibata. Halani dosa ampa panlanggaron ta iusir Naibata do hita hun pohon Eden Ni, songon na masa ijia; iusir ma si Adam, inahkon ma Herubim hampit hapoltakan ni pohon Eden ai marhasoman podang na marjimbur-jimbur na mawas-awas, laho manjagai dalan hu hayu hagoluhan ai.
P : Ahu do Jahowa Na pansing bannima, Sitompa Israel, Rajanima. Sonon do hata ni Jahowa na mambahen pasar itongah laut ampa na pauli dalan bani bah marbanggal, na mambahen ase mandarat gareta porang ampa huda, bala ampa siparporang; martibalan do sidea seng tarjongjongkonsi be, miloh do sidea, mintop songon sumbu. Ulang be dingat-dingat hanima na parlobei ondi, anjaha ulang ma pingkir-pingkiri na dob masa. Tonggor ma, Ahu mambahen na baru, domma martumbor nuan, ai lang iidah hanima ai? Ahu mambahen pasar i halimisan, bani tanoh dorging-dorging bah mardalan. Tapi domma iparjabolon ho Ahu marhitei dousamu, domma ilojai ho Ahu marhitei hajahatonmu. Ahu, Ahu sandiri pasaloseihon panlanggaronmu halani Ahu, anjaha dousamu seng be padingat-dingatonKu. Roh ma hanima, ase marturiak hita, nini Jahowa. Age pe gerger dousanima songon bunga ni dapdap lopak do bahenonku ai songon salju, age pe gerger songon hiou hasumba, putih do bahenonku ai songon kapas. Domma hupasisi salahmu songon hombun, anjaha songon hombun na manorap dousamu. Mulak ma ho hubangku, ai Ahu do na manobus ho.
Bp : Ea, Tuhan. Maidop ma Ham hubakku, bere Ham gogoh ase gabe bapa na sintong ahu bani pargoluhan ni keluarga, masyarakat ampa gereja. Ase hagoluhan ku gabe ambilanMU janah pasangaphon Ham. Lambin marmulia ma goranMu marhitei pargoluhanku.
Ing : Ea, Tuhan. Maidop ma Ham hubakku, bere Ham gogoh ase gabe Inang na sintong ahu bani pargoluhan ni keluarga, masyarakat ampa gereja. Ase hagoluhan ku gabe ambilanMU janah pasangaphon Ham. Lambin marmulia ma goranMu marhitei pargoluhanku.
Pmd : Ea, Tuhan. Maidop ma Ham hubakku, bere Ham gogoh ase gabe pemuda na sintong ahu bani pargoluhan ni keluarga, masyarakat ampa gereja. Ase hagoluhan ku gabe ambilanMU janah pasangaphon Ham. Lambin marmulia ma goranMu marhitei pargoluhanku.
ASM : Ea, Tuhan. Maidop ma Ham hubakku, bere Ham gogoh ase gabe niaombah na sintong ahu bani pargoluhan ni keluarga, masyarakat ampa gereja. Ase hagoluhan ku gabe ambilanMU janah pasangaphon Ham. Lambin marmulia ma goranMu marhitei pargoluhanku.
Majelis: Ea, Tuhan. Maidop ma Ham hubakku, bere Ham gogoh ase gabe Majelis na sintong ahu bani pargoluhan ni jemaat, masyarakat ampa Negara. Ase hagoluhan ku gabe ambilanMU janah pasangaphon Ham. Lambin marmulia ma goranMu marhitei pargoluhanku ampa pangidangionku. Pakei Ham ma ahu laho pasaudhon harosuhMu i dunia on.

IX. Vocal Group Wanita : Ringgas Hita Marhorja
X. Puisi : Sy.Darwin Purba & Vivitia br Purba Tambak : Pohon yang subur di padang Tandus
XI . Mandoding Haleluya No 314 :1-3 ( Bani ayat 3 Jong-jong ma kuria)
Doding ni Malekat in
Doding ni Malekat in, pasangaphon Tuhan in
Namambere hasonangan, Raja na dob tubuh in
Haganupan bangsa-bangsa, sai mamuji bani
Tuhan Jesus nah un surga in tubuh i Betlehem in
Doding ni malekat in pasangaphon Tuhan in

Ganup na isurga in, sai manombah Tuhan in.
Tuhan Jesus jadi jolma, roh bai hajolmaon in
Lao mamboban haluahon, ganup dousa isalpuhon
Goran-Nin Immanuel, rapkon hita Tuhan in
Doding ni malekat in pasangaphon Tuhan in
Raja sipaluah in, marsinal-sal do tong-tong
Domma poltak sinondang Ni, lao pasonang hita on
Ipalumei do diriNi, ase toguonNi hita on
Turun do Tuhan ta in,paluah kon jolma in
Doding ni malekat in pasangaphon Tuhan in

XII. Liturgi Bersama III ( Pdt. Rasmidin Sinaga)
P : Halani ai bereon ni Tuhan sandiri ma bannima sada tanda: Tonggor ma, boratan rumah ma sada anak boru, anjaha tubuhkononni ma sada anak, anjaha bahenonni ma goranni: Immanuel. Jadi nini malekat ai ma hubani: Ulang ma mabiar ham Maria, ai dapotan idop ni uhur do ham humbani Naibata. Tonggor ma, boratan rumah ma ham anjaha tubuhan anak; bahen ma goranni Jesus. Jadi itubuhkon ma anak bunga tubuhni, ibaluti ma bani ampan, anjaha ipatibal bani panggagatan, halani seng dong ianan bani sidea i rumah parbornginan. Banggal do Ia use, goranon do Ia Anak ni Sitimbulan in; bereon ni Naibata do Bani paratas ni si Daud, bapani ai. Rajaanni do ginompar ni si Jakob sadokah ni dokahni, anjaha seng dong ujung ni harajaonni ai.
Ing : Sonaha ma parjadi ni ai, ai seng dong hutanda dalahi.
P : Sogopan ni Tonduy Na pansing ma ham, anjaha linggoman ni hagogohon ni Sitimbulan in; halani ai; Na pansing do goranon na sihol tubuh in, Anak ni Naibata. Anjaha tonggor ma, si Elisabet pe, sindohormu ai, na dob targoran lambang, domma boratan rumah, paonom bulankon ma nuan. Ai seng dong na so boi bani Naibata.
Ing : Tonggor ma, jabolon ni Tuhan in do ahu. Sai saud ma hubangku songon na hinatahonMu in. Ipatimbul uhurhu do Tuhan in! Marmegah-megah do tonduyhu mangidah Naibata, Sipaluah ahu. Ai itatap do haetekon ni jabolonni on. Tonggor ma, ai olat ni on parhatuahon ni sagala sundut ma ahu. Ai banggal do na binahen ni Pargogoh in bangku. Na pansing do goranni ai.
Bp : Ai marsundut-sundut do idop ni uhurni bani na mangkabiarisi. Hagogohon do ihorjahon tanganni; mambur merab do ibahen sigijang maruhur. Ipaturun do siparkuasa humbani paratas ni sidea, tapi ipatimbul do halak na etek. Na madear do igoki bani na loheian, tapi halak na bayak lumei do ipalaho. Iurupi do Israel, juak-juakni in, mardingat idop ni uhurni ai, songon na hinatahonni bani ompungta, hubani si Abraham ampa hubani ginomparni sadokah ni dokahni.
P : Ulang mabiar hanima! Tonggor ma, ai ambilan malas ni uhur banggal do huboan bannima, parulihan ni ganup bangsa. Ai domma tubuh bannima saborngin on, i huta ni si Daud, Sipaluah in, in ma Kristus Tuhan in! On ma partinandaan bannima: Jumpahonnima do sada na etek-etek, ibaluti bani ampan, tibal bani panggagatan.
Majelis : Hasangapon ma bani Naibata na i babou, damei ma i tanoh on bani jolma hinarosuhkonni in, Laho ma hita hu Betlehem mengidah na masa ai, na pinabotohkon ni Tuhan in banta.
Bp : Tongon Tuhan, bani na ijia…. Lang dong ianan parbornginan bani partubuh Mu, bani panorang on Tuhan, marjanji do hanami, selaku bapa itongah ni keluarga, sir-sir do uhur ampa pikiran nami nuan, janah mangarap do hanami ase tubuh Ham bani paruhuran nami marsada-sada, ase boi hanami gabe bapa na sintong ilobei Mu.Boi hanami pajongjonghon Keluarga na mardalan ibagas hasintongan ampa na gabe pasu-pasu bani masyarakat pakon tinompa na legan.
Ing : Tongon Tuhan, bani na ijia…. Lang dong ianan parbornginan bani partubuh Mu, bani panorang on Tuhan, marjanji do hanami, selaku inang itongah ni keluarga, sir-sir do uhur ampa pikiran nami nuan, janah mangarap do hanami ase tubuh Ham bani paruhuran nami marsada-sada, ase boi hanami gabe inang na sintong ilobei Mu.Boi hanami pajongjonghon Keluarga na mardalan ibagas hasintongan ampa na gabe pasu-pasu bani masyarakat pakon tinompa na legan.
Hgnp : Hasangapon ma bani Naibata na i babou, damei ma i tanoh on bani jolma hinarosuhkonni in….amen.
XIII. Doa Syafaat : Pdt.Rasmidin Sinaga
XIV. Koor Sektor I : Dimalam Sunyi
XV. Koor Pemuda : Lilin Perdamaian/ Shine Jesus Shine
XVI.Pembacaan Puisi Wanita : Harmoni Natal ( Sy.Asima Lubis & Sy.Arni Sitopu)
X. Koor Massal Jemaat GKPS Simalingkar dipandu oleh Sy.Jhon Maren Girsang,S.Sn.
X. Mandoding Hal : 39 :1 -3 Sonang ni In…. Lampu dipadamkan, penyalaan lilin
( Parambilan, Pdt Resort, PW, Pimp Majelis, Ket Seksi Bapa, Ket.Seksi Wanita,Ket Panitia) Vocal : Agnes S P Sinaga
Sonang ni Bornginni in
Sonang ni Bornginni in,
Sanggah roh Jesus in
Sonang modom halak ganup
Dua mando na puho in rup
Mangoromi Anak Ni Jesus Tuhanta in

Dear ni bornginni in
Sanggah roh Jesus in
Bai parmahan i Betlehem in
Ipatugah na hun surga in
Domma roh sipagoluh
Jesus Tuhan ta in

Buei ni tuah ijin
Sanggah roh Jesus in
Tor maluah pardousa use,
Humbai hamagouan ni hape
Ben na roh Sipagoluh
Jesus Tuhanta in

XI Renungan Natal : Pdt.Dr.Jaharianson Saragih

XII Patumpu Galangan : Paima ipatumpu hita galangan ta, tangar hita ma lobei hata ni Naibata na gabe onjolanta laho manggalang, aima natarsurat bani : 1 Kronika 29 : 14
Ai ise ma ahu, anjaha aha ma bangsangkin, ase boi hanami margugu humbani nionjar ni uhur sonin? Ai marharorohan hum Bamu do ganup, anjaha na humbani tanganMu in do na binere nami in Bamu. Sonari Patumpu hita ma galangan ta.
Jemaat + Singer Mandoding : Ijon adong huboan Tuhan (Galangan 2 x)
XIII Panutup+ Pengutusan ampa Pasu-pasu

C. Penutup
I. Hata Sambutan : Ketua Panitia
Pimpinan Majelis
Pimpinan Pusat


II. Hiburan/ Marurup Mangan
III. Mar si Salaman janah Mulak ibagas Damei …………………….oleh : s4mt