Panriahan na so adong.

Bani sada panorang…..tarpasu-pasu ma si Porman pakon si Suma.
Ia si Porman on….rosuh mangan sayur kangkung…. Janah domma ibotoh si Suma on homa harosuh ni si Porman on tikki sidea marhasoman. Ia si Suma on harosuh ni sayur bayam…..janah domma ibotoh si Porman on homa harosuh ni parinangon ni on. Dob marrumah tangga sidea….mintor do manjae homa sidea, anjaha ipajae orang tua ni si Porman on do sidea, ibere do sada rumah ampa juma bani sidea. Rumah ni sidea on…. Bolag do homa alaman ni….. jadi ipaborsih sidea do ai…iombag si Porman on ma pekarangan on.
Porman : ….dob borsih on tene, husuan ma sayur bayam….ase dong loppahon ni Inang nami on….malas do holi uhur ni anggo domma tubuh hossi bayam ai.
Dob hossi isuani si Porman on sayur bayam ai…..lang pala ipatugah bani si Suma parinangon ni ai…. Maksud ni ase dong kejutan….tanda holong ni bani si Suma.
Suma : ….dob borsih on tene alaman on ibahen Bapa nami ai, husuan ma sayur kangkung….ase dong holi loppahon ku bani Bapa nami on….malas do holi uhur ni anggo domma tubuh hossi kangkung ai.
Dob hossi isuani si Sumaon sayur kangkung ai…..lang pala ipatugah bani si Porman paramangon ni ai…. Maksud ni ase dong kejutan….tanda holong ni bani si Porman.
Dob hossi tubuh ma……. …,, Tikki hut apian si Suma……
Porman : na husuan ….bayam do tene…….Idok-doki si Porman on ma kangkung na sinuan ni si Suma ai, dob borsih…..laho ma ia hu juma.
Suma : na husuan ….kangkung do tene, ulang targanggu holi partubuh ni kangkung on…. Idok-doki si Suma ma bayam na sinuan ni si Porman ai, dob ai laho ma ia hu juma.
Dob ai……aha pe lang tubuh……………..borsih ma torus alaman ai……..