Minum Kopi rap ampakon Hereh

Pos uhur mu… lang pe huhurangi isini garung mu,…..
Lang pala marbuni-buni ham tikki minum kopi in, halani milas do ope anjaha marium homa.
Hu botoh do buei pe kodei kopi na dob ibolus ham bani pargoluhan on, pasti do tergoda ham halani marium ni kopi ni sidea ai. Halani ai do…. Hubotoh do buei do sura-sura mu pasal na minum kopi on, lang pitah bani kopi ni parhutaon uhur mu….. buei kopi simantinan na dob idai ham i talun ni halak sileban. Halani ai do sipata….mapir uhur mu laho mamboban kopi ni Simalungun on gabe bohal inumon mu. Misbouan, janah mantinan do kopi saset ampa kopi ni sileban an…..marimbang kopi ta on ale pangulu nami. Ai do mambahen bimbang mu semakin memuncak…….
Tikki rap sikolah hita ihuta, iparmahanan ai….mahol do hita boi minum kopi …. Kopi iminum hita rup humbani sada garung….. enak tumang pangahap….. hassi pe lang higienis nini halak. Tikki horbou manrawang…..minum ma ia bani rawang……garung na sada bagianta.
Panorang do hape… na dob mangubah haganupan… sonari…..haganup kopi menjadi hambar, lang songon mantin ni tinggki ihuta. Minum kopi i hotel berbintang, kopi na ihidanghon terasa hambar. Lang hubotoh…, ahu do atap ham na mambahen kopi on hambar….sasintong ni hambar do tongon dai ni……ise do nasalah..?
Mardingat ai…sihol uhur hu manggantih kon galas on gabe garung sisapari ondi….tapi lang idingat ham be aha garung….janah lang ra be ham mangingat parmahanan ta ondi. Hape bannami hasoman mu….parmahanan ampa parminuman kopi italun ta ai….ai do gabe dalan nami marsombuh sihol….dalan mardingat sanina, botou ampa haganup diha-diha na ihuta.. na hurang marulih/beruntung bani masa kemerdekaan on. Panorang ai….sihol hugijighon do naming galas na marisi kopi hambar ai hu lobei mu…. Tapi lang hubani simanjujung mu. Halani mardingat ahu….ibagas simanjujung mu do dalan ni laho mardingat hu huta ta ai. Anjaha…ham do na gabe siihuthonon name bani na marnegara on, ham do na dob manjalo tohonan na gabe pangulu itongah-tongah name, hassi pe ham lupa bani huta ta in.
Aiiiiiiiiih tene…kopi…..kopi…. minum ham ma kopi ni sileban in nasa bois ham, uhur mu ma atap minum ija pe ham….halani ibagas saset do kopi ni sidea in. Oppot ham ma lah manjuali kopi nah an huta ta in….ase dong bahenon mu laho mamboli kopi saset ni sileban in. Bani panorang ni holi….lang dong be sirom ni hasoman hu bamu…anggo pusuk ni kopi nah an huta ta in pe dob tarjual…. Sip sidea….hape…madatei paruhuran ni sidea halani parlahou mu.
Haganup dak-danak lang boi be marguroi halani ulah mu…. Gojos pe maropang ibahen dalan mu, horbou pe tangis bani pasanganni halani borit ni pangodoh-odoh ni gojos mu. Nimu hinan… saparopat uhur mu hubannami hasoman mu sahuta, saparopat hubani keluarga… saparopat nari bani Negara…..janah saparopat nari lang ipatugah ham huja. Huja do nani haondosanni na saparopat ai nari….hubani sura-sura do atap marondos bani Naibata?
Bani panorang tarsosak on…..”Etah minum kopi…” nimu…. Tapi asok hubalosi…garung ta hinan domma iboban hereh…halani domma bau lapuk. Inum ham ma kopi mu….halani garung hu lang dong be ijon sonari….ham simada parentah….dob ma ham na minum kopi in.
Tonah nami sahuta mu….ulang ham mabiar minum kopi ase sombuh horah mu…. Anggo hanami hasoman mu sahuta….domma dong garung nami bei isopo parmahanan na ijuma dipar ai. Ijuma dipar ai…halani ham simada talun (pangahap mu)….domma manrobat suan-suanan/kopi nami. Hape… hanami do na mambuka juma in….manuani sagala na porlu ijin. Uhur mu ma…robat ham kopi nami in…gendo dong bahenon mu gabe parlingodan humbani siang ni ari. Sahali nari….lang tarinum hanami be kopi in…. Halani garung nami domma iboban hereh hu harangan.
Ambit ma naming boi hu utahkon kopi na dob iinum hita sagarung na boron… seng pala hutulishon isi ni uhur hon….ai ma na boi tarbahen ahu...
Sayob ma gatni tene… marbuah kopi nami on….ai pori pe marbuah… songon na lang marguna be ai bannami…. Halani garung nami pe domma seng hanami simadasi…….on ma gat ni untungan ni parhuta na sikolah ikota………………..he..he…he… Horas.

Tolur ni Oppung

Dongma sada turi turianku: Ibani sada huta dongma sada keluarga namiskin tumang, bani sada panorang lahoma sadea suami istri mambuat hayu huharangan, sanggah ipardalanan marsungut sungutdo sidea marbuali, halani miskin pakon sombuhni pargoluhanni, naporlu botohonta ia sidalahi adongdo dussat dussatni anggo marbuali, tapi napaling utama asal tarsonggot ia atik manangar sorani ahape selalu igoranni tolur.....misalni anggo marhata longgur sihapdo sidalahi torsonggot mittor iatahonni tolur....... Misalni mangorong baliang sappong tong ihatahonni tolur......... Marumbak hayu tor ihatahonni homa tolur.......! Jadi bani sanggah namardalan on sidea itongah harangan lalap do sidea marsungut sungut halani sombuhni, ambit manamin bayak hanami sodapma nini sidea sambil marbuali. Tapi sanggah namarbuali on sidea nadua iharangan pajuppah sidea pakon sahalak oppung oppung nadob matua tumang, jadi ihatahon oppung aima bani sidea.. ; ulang lalap marsungu sungut hanima aha nasihol bannima huberepe posma uhurnima nini oppung ai,: jadi longang masidea....aitongondolah ai oppung nini sidea! Tongon.....! Jadi sonari hupenuhipe aha pangindoan nima tapi syaratni tolu hali atap tolu macam do naboi hubere, ahanini uhurnima boi, duit, mobil, rumah pasti boi nini oppung on. Sadi sonari mulakmalah hanima, boan hanima ma on nini oppung ai, iberehon oppung ai sade tolu biji tolurni dayok. Mulakma hanima anggo dong pangindoan nima posahkon hanima ma tolur onda, aima ase pikkiri hanima ma sanggah idalan ahape boido pokokni setiap mangindo sada pangindoan posahkon hanima sada tolur in janah tolur in tolu dassa berarti pitah tolu pangindoan nima.malas tumangma uhurni sidea mulakma sidea hurumah janah marangan angan kaya masidea, dob das irumah isuba sideama tongon igijikkon inang on matolur ai sada gogoh bai tanoh.... Tar....puttarma tolur on sadjanah songon natarsonggot otik sidalahi lanjar igoransi tolur........! Lang tanggung be terjadima keajaiban tor bahatma tolur irumahni sidea, sagala tempat marisi tolur, hudon, balanga, tandok marisi tolur ganopan termasuk bai kantongni sideape marisi tolur pakon haganup isini rumahni tolur dassa ganup, sonaha ma hita on nini parinangonni jadi susah ibaen tolur on tene. Ro nini sidalahi anggosonai pamagou hita malobei ganup tolur on lang tongon be on ni. Jadi igijikon sinaboruma sada nari tolur na ibereni oppung ai, tading ma sada nari iposahkon matolur ikatahonnima ase mago sagala tolur nadong ijai , tor ajaibma botul mago sagala tolur ondi haganup borsihma ianan ai humbani tolur, janah idadap sidalahi salanani..bah.....mase mago pakon tolurhu....ai sonahado on, aimada lang dong tolurhu be ai lang dalahi anggo lang martolur anggo sonondo lang bakku manggoluhbe nini sidalahi naha ma sonon domma dihut mago pakon tolurhu nini.anngonai posahkon hitamalah sadanai tolurni dayok naibere oppungin hatahonma aipaulak tolurhu nini. Iposahkon inangon ma tolur nasadanai janah ipangindoma ase mulak tolurni sidalahi. Posah matolur naparpudi mulakma use normalsidalahi idadap salanani domma dong use tolurni. Jadi domma bois tolor naibere nioppung ai janah domma ipenuhi tolu pangindoanni sidea tapi ujungni kembali songon semula mulak miskin janah sombuh sia.wkwkwkw........!

Parmahan…………….pakon Bapani

Bani sada panorang…. Mardalan ma sada halak parmahan pakon bapani……anjaha mamboban horbou marlajar janah merung homa horbou an.
Bani na manlopusi sada huta sidea….horbou on itogu sidea……sambil mardalan.
Parhuta A : aiiiiiih tene….an ma ra sibolngapan jolma na manggoluh on, itarookon sidea mardalan hape dong do horbou itogu sidea…..kan boi do iajak horbou ai……ha,,..ha…ha…ha….ile…..bolngap ma tongon jolma songon sidea ai.
Bani pardalanan on….tartangar sidea ma hata ai…anjaha nini parmahan on ma bani Bapani :
Parmahan : ham ma Pa, ase hutogu horbou on…. Holi ihuta dipar ai use martukar hita.
Parhuta B : ha..ha…ha…….ile, an ma bapa-bapa naso mambotoh diri….rela do ia mangajak horbou, hape anakni mardalan……lepak ma tongon bapa songon aid a….ha…ha….ha..ile. Anggo ahu…age sonaha nini….anakhu do naporlu…lang nai do lawei….nini bani hasoman ni sambil tartawai sidea.
Bapa ni Parmahan : ho ma ambia….ajak ma horbou on…ahu pe manogu use….ka domma loja ra ho.
Parmahan : Ea..Pa anggo sonai nimu.
Bani na manlopusi huta C on sidea…. Tartangar sidea ma use sahap ni halak…..
Parhuta C : Dasar niombah na lang mambotoh pasangaphon namatorasni, rela do ia mangajak horbou, hape bapani mardalan…..ah… memang anak na lang suman ma sonai.
Managar ai….naik ma homa Bapani parmahan ai…. Haduasi ma sidea mangajak horbou ai.
Parhuta D : Tonggor lo lakan….holong pe li homa ang atei ni sidea mangajak horbou ai….domma merung, haduasi homa sidea mangajak….ai na marotak do jolma songonin?
Manangar ai…turun ma sidea na dua….lanjar I lanja sidea ma horbou ai…..
Parhuta E : Tonggor lo….dong na ratou lewat… ilanja sadea horbou ni……
Dob itangar sidea hata ai…. Tor ibereh ko ma horbou ai bani parhuta ai ase ibindahon.
Parhuta E : Na bujur ma tongon nassiam tene, … on do ope ongga adong si bujur uhur songon nassiam, rosuh uhur hu bani parroh ni nassiam……Sai andohar ma tambah rajohi nassiam.
Ibagas uhur ni Parmahan ai pakon Bapani……jenges do hape diri bani parhuta on anggo domma dapot ulih ia………………………. Namasa-namasa………. Jora ma ahu gabe parmahan….gabe tokeh horbou ma au….ase anggo matei horbou hu boi marbinda sahuta on…..ahu pe pakon bapaku lang gabe salah bani sidea.